Google ADS

FFK nikoqire e ndeshjeve kualifikuese për EURO 2025

16:45 | 3 Korrik 2024
D.H

Federata e Futbollit e Kosovës në vazhdimësi po e dëshmon aftësinë dhe profesionalizmin e saj në organizimin e garave në nivel ndërkombëtar. Këtë vit, Kosova ka nderin të jetë nikoqire e turneut kualifikues për Kampionatin Evropian për grupmoshat U19 për vitin 2025.

Turneu do të zhvillohet në dy lokacione: Prishtinë dhe Podujevë, respektivisht në stadiumet “Fadil Vokrri” dhe “Zahir Pajaziti”, përcjell Arbresh.info.

Kjo zgjedhje është bërë për shkak të agjendës së ngjeshur dhe orarit të ndeshjeve, duke garantuar kushte optimale për të gjitha ekipet pjesëmarrëse.

Kombëtarja e Kosovës bën pjesë në grupin e 10-të, bashkë me Spanjën, Austrinë dhe Ishujt Faroe. Ndeshjet do të zhvillohen më 13, 16 dhe 19 nëntor.

Organizimi i këtij turneu është një tjetër dëshmi e përkushtimit të FFK-së për të promovuar futbollin dhe për të rritur nivelin e përfaqësimit të vendit tonë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm